काठमाडौं, साउन ११ — नेपाल राष्ट्र बैंकले सोमबारका लागि विदेशी मुद्राको विनिमयदर सार्वजनिक गरेको छ। आज अमेरिकी डलरको विनिमयदर स्थिर रहेको छ भने युरोपियन युरो र अस्ट्रेलियन डलरको मूल्यमा सामान्य गिरावट आएको छ।

राष्ट्र बैंकका अनुसार अमेरिकी डलर एकको खरिददर रु. १५४.२१ र बिक्रीदर रु. १५४.८१ कायम गरिएको छ। आइतबारकै दर कायम रहेकाले डलरको मूल्य स्थिर रहेको हो।

यस्तै, युरोपियन युरोको खरिददर रु. १७५.३१ र बिक्रीदर रु. १७५.९९ निर्धारण गरिएको छ। आइतबारको तुलनामा युरोको मूल्यमा सामान्य गिरावट आएको छ। अस्ट्रेलियन डलरको खरिददर रु. १०७.६५ र बिक्रीदर रु. १०८.०७ तोकिएको छ, जुन अघिल्लो दिनभन्दा केही कम हो।

युके पाउन्ड स्टर्लिङको खरिददर रु. २०५.४६ र बिक्रीदर रु. २०६.२६, स्वीस फ्र्याङ्कको खरिददर रु. १८८.४९ र बिक्रीदर रु. १८९.२२ कायम गरिएको छ।

नेपाल राष्ट्र बैंकले आवश्यकताअनुसार विनिमयदर जुनसुकै समयमा संशोधन गर्न सकिने जनाएको छ। वाणिज्य बैंकहरूले निर्धारण गर्ने विनिमयदर भने फरक हुन सक्ने केन्द्रीय बैंकले स्पष्ट पारेको छ।

आजको प्रमुख विदेशी मुद्रा विनिमयदर