काठमाडौं– नेपाली बजारमा मंगलबार सुन–चाँदीको मूल्य उल्लेख्य रूपमा घटेको छ। अघिल्लो दिन पनि घटेको सुनको मूल्य मंगलबार थप प्रतितोला ४ हजार ५ सय रुपैयाँले ओरालो लागेको हो।
नेपाल सुनचाँदी व्यवसायी महासंघका अनुसार छापावाल सुनको मूल्य आज प्रतितोला २ लाख ७७ हजार ९ सय रुपैयाँ कायम भएको छ। सोमबार सुन प्रतितोला २ लाख ८२ हजार ४ सय रुपैयाँमा कारोबार भएको थियो।
यसअघि सोमबार पनि सुनको मूल्य प्रतितोला १ हजार ४ सय रुपैयाँले घटेको थियो।
चाँदीको मूल्य पनि मंगलबार घटेको छ। सोमबार प्रतितोला ४ हजार ३ सय १० रुपैयाँमा कारोबार भएको चाँदी आज प्रतितोला ४ हजार २ सय ८५ रुपैयाँमा कारोबार भइरहेको छ। यो अघिल्लो दिनको तुलनामा प्रतितोला २५ रुपैयाँ कम हो।
अन्तर्राष्ट्रिय बजारमा भने मंगलबार सुन प्रतिऔंस ३ हजार ९ सय ८३ अमेरिकी डलरमा कारोबार भइरहेको छ।
