काठमाडौं — सरकारले राइड सेयरिङ सेवामा आबद्ध चालकलाई करको दायरामा ल्याउन स्थायी लेखा नम्बर (प्यान) अनिवार्य गरेको छ। आन्तरिक राजस्व विभागले आयकर ऐन, २०५८ तथा आयकर नियमावली, २०५९ को प्रावधानअनुसार राइड सेयरिङ चालकले अनिवार्य रूपमा प्यान नम्बर लिएर मात्र कारोबार गर्नुपर्ने जनाएको हो।
विभागले सूचना जारी गर्दै राइड सेयरिङ प्लेटफर्ममा आबद्ध भई सेवा प्रदान गर्ने व्यक्तिले स्थायी लेखा नम्बर लिएर मात्र कारोबार गर्न र गराउन निर्देशन दिएको छ।
मुख्य बुँदाहरू:
- राइड सेयरिङ चालकका लागि प्यान नम्बर अनिवार्य गरिएको।
- करको दायरामा ल्याउन आयकर ऐन र नियमावलीको प्रावधान लागू।
- राइड सेयरिङ प्लेटफर्म सञ्चालन गर्ने अपरेटर भ्याटमा दर्ता हुनुपर्ने।
- राइडरबाट यातायात तथा ढुवानी सेवाबापत लिइने शुल्कमा ५ प्रतिशत भ्याट संकलन गर्नुपर्ने।
- अपरेटरले राइडरका तर्फबाट कर बिजक जारी गर्नुपर्ने।
- राइडरबाट संकलित भ्याट रकम अर्को महिनाको २५ गतेभित्र सम्बन्धित कार्यालयमा बुझाउनुपर्ने।
- प्यान नम्बर लिएका राइडरलाई छुट्टै भ्याटमा दर्ता हुन अनिवार्य नगरिएको विभागको स्पष्टोक्ति।
- नयाँ व्यवस्थाले राइड सेयरिङ क्षेत्रलाई औपचारिक कर प्रणालीमा समेट्ने उद्देश्य राखेको छ।
