न्यु जर्सी — स्टार फरवार्ड किलिएन एमबाप्पेको उत्कृष्ट प्रदर्शनमा फ्रान्सले स्वीडेनलाई ३–० ले पराजित गर्दै फिफा विश्वकप २०२६ को अन्तिम १६ मा स्थान सुरक्षित गरेको छ। अमेरिकाको न्यु जर्सीमा अत्यधिक गर्मीका बीच भएको खेलमा फ्रान्सले सुरुदेखि नै दबदबा कायम राख्दै सहज जित निकालेको हो।
फ्रान्सका लागि एमबाप्पेले दुई तथा ब्राडली बारकोलाले एक गोल गरे। पहिलो हाफको अन्त्यतिर ओस्मान डेम्बेलेको पासमा एमबाप्पेले गोल गर्दै टोलीलाई अग्रता दिलाएका थिए। त्यसपछि दोस्रो हाफको ५३औँ मिनेटमा माइकल ओलिसेको पासमा बारकोलाले दोस्रो गोल थपे। ७४औँ मिनेटमा एमबाप्पेले व्यक्तिगत दोस्रो गोल गर्दै फ्रान्सको जित सुनिश्चित गरे।
खेलमा एमबाप्पेका थप एक गोल अफसाइडका कारण रद्द भएको थियो भने अर्को प्रहार पोस्टमा लागेको थियो। माइकल ओलिसेको आकर्षक सिजर किक पनि पोस्टमा लागेर गोल हुनबाट वञ्चित भएको थियो।
दुई गोलसँगै एमबाप्पेले विश्वकपको नकआउट चरणमा आफ्नो गोल संख्या १० पुर्याउँदै यस चरणमा सर्वाधिक गोल गर्ने खेलाडीको कीर्तिमान बनाएका छन्। यसैगरी, प्रतियोगितामा उनको कुल गोल संख्या ६ पुगेको छ र उनी गोल्डेन बुटको दौडमा लियोनेल मेसीसँग संयुक्त रूपमा शीर्ष स्थानमा रहेका छन्।
विश्वकप इतिहासमा एमबाप्पेले अब १८ खेलमा १८ गोल गरेका छन्। उनी सर्वाधिक गोल गर्ने खेलाडीहरूको सूचीमा दोस्रो स्थानमा उक्लिएका छन् र शीर्ष स्थानमा रहेका लियोनेल मेसीको १९ गोलको कीर्तिमानभन्दा केवल एक गोलले पछाडि छन्।
यस जितसँगै फ्रान्सले अन्तिम १६ मा पराग्वेसँग प्रतिस्पर्धा गर्नेछ। जर्मनीलाई पेनाल्टी सुटआउटमा पराजित गर्दै पराग्वे नकआउट चरणमा पुगेको हो। लगातार तेस्रो पटक विश्वकपको फाइनल पुग्ने लक्ष्यसहित मैदान उत्रिएको फ्रान्स प्रतियोगितामा बलियो दाबे
