काठमाडौँ । अब एटीएम प्रयोगकर्ताले एक पटकमा बढीमा २० हजार रुपैयाँ मात्रै झिक्न सक्ने भएका छन्। नयाँ व्यवस्था अनुसार प्रतिदिन अधिकतम ५० हजार रुपैयाँ र प्रति महिना ३ लाख रुपैयाँसम्म मात्र नगद झिक्न पाइनेछ।
यो व्यवस्था लागू भएसँगै बैंक तथा वित्तीय संस्थाहरूले नगद कारोबारमा नियन्त्रण, सुरक्षा सुदृढीकरण तथा डिजिटल भुक्तानीलाई प्रोत्साहन गर्ने उद्देश्य लिएको जनाएका छन्।
विशेषगरी ठूलो रकमको नगद कारोबारलाई सीमित गर्दै अनलाइन तथा मोबाइल बैंकिङ प्रयोग बढाउने नीति अनुसार यस्तो सीमा निर्धारण गरिएको बताइएको छ।
सेवाग्राहीहरूले भने आवश्यक परे अन्य माध्यमबाट रकम भुक्तानी वा स्थानान्तरण गर्न सक्नेछन्। विस्तृत जानकारीका लागि सम्बन्धित बैंक तथा वित्तीय संस्थासँग सम्पर्क गर्न सकिनेछ।
