काठमाडौं — कोलम्बियाले फिफा विश्वकप २०२६ को अन्तिम १६ मा स्थान बनाएको छ। शनिबार बिहान भएको नकआउट चरणको खेलमा घानालाई १–० ले पराजित गर्दै कोलम्बिया अघिल्लो चरणमा पुगेको हो।
कन्सास सिटी स्टेडियममा भएको खेलको १४औँ मिनेटमा जोन एरियासले गरेको गोल नै कोलम्बियाको जितका लागि निर्णायक बन्यो।
खेलमा कोलम्बियाले अधिकांश समय बलमाथि नियन्त्रण राख्दै घानामाथि निरन्तर दबाब सिर्जना गरेको थियो। ५६औँ मिनेटमा लुइस डियाजले गोल गरे पनि अफसाइडका कारण उक्त गोल मान्यता पाएन।
घानाका गोलकिपर लरेन्स अति जिगीले कोलम्बियाका तीन उत्कृष्ट प्रहार बचाउँदै टोलीलाई खेलमा टिकाइराख्ने प्रयास गरे पनि अन्ततः हार टार्न सकेनन्।
यससँगै घानाको विश्वकप यात्रा अन्त्य भएको छ भने कोलम्बियाले क्वार्टरफाइनल प्रवेशका लागि अन्तिम १६ मा स्विट्जरल्यान्डसँग प्रतिस्पर्धा गर्नेछ।
