काठमाडौँ— गृहमन्त्री सुदन गुरुङको पछिल्लो २४ घण्टाको ‘रिपोर्ट कार्ड’ले मुलुकको राजनीतिमा ठूलो परकम्प ल्याइदिएको छ। “कानुनभन्दा माथि कोही छैन” भन्ने अडानका साथ गुरुङले पूर्व प्रधानमन्त्री केपी शर्मा ओलीमाथि राज्यविरुद्धको अपराध र विगतका ठूला भ्रष्टाचारका फाइलहरू पुन: खोलेर अनुसन्धान अघि बढाउन निर्देशन दिएका छन्। स्रोतका अनुसार, पछिल्लो २४ घण्टामा प्रहरीको विशेष टोली र सरकारी वकिलले ओलीसँग बयान लिने प्रक्रिया समेत अघि बढाइसकेका छन्, जसले गर्दा सिंहदरबारदेखि बालकोटसम्म राजनीतिक हल्लीखल्ली मच्चिएको छ।
मध्यरातको ‘छड्के’ र सुरक्षा कटौतीको डण्डा
गृहमन्त्रीको सक्रियता केवल राजनीतिक फाइलमा मात्र सीमित छैन; उनी आफैँ फिल्डमा उत्रिएर सुरक्षा संयन्त्र सुधार्न लागिपरेका छन्। गएराति सुरक्षाकर्मीको दलबल बिना नै सादा पोसाकमा काठमाडौँका विभिन्न प्रहरी वृत्त र हिरासत कक्षहरूको छड्के निरीक्षण गरेर उनले प्रहरी प्रशासनलाई सतर्क रहन चेतावनी दिएका छन्।
भ्रष्ट कर्मचारीमाथि ‘डण्डा’ चलाउने र प्रत्यक्ष जनगुनासो सुन्ने संयन्त्रलाई सक्रिय बनाएसँगै सुदन गुरुङको लोकप्रियता युवा पुस्तामा चुलिँदै गएको देखिन्छ। कुर्सीभन्दा बढी फिल्डमा र फाइलभन्दा बढी एक्सनमा केन्द्रित गुरुङको यो रफ्तारले आगामी दिनमा नेपाली राजनीतिमा कुन मोड लिने हो, त्यो भने हेर्न बाँकी नै छ।
